होउनी निश्चित हरुनियां चिंता । मग जाईं एकांता भजन करीं ॥१॥
संसार संभ्रमें आशा लागे पाठी । तेणें जीवा साठी होइल तुझ्या ॥२॥
सेखीं विषयसंगें अवघा नाडसील । मागुता पडसील विषयडोहीं ॥३॥
शरीर सकळ मायेचाचि बांधा । यासी नाहीं कदा आराणूक ॥४॥
करिती तडातोडी अंतर्बाह्यात्कारीं । ऐसे जाती चारी दिवस वेगीं ॥५॥
मोलाची ते घडी अजते वायांवीण । न मिळे मोल धन देतां कुडी ॥६॥
जागा होईं करीं हिताचा उपाय । तुका म्हणे हाय करिसी मग ॥७॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे பதிவு செய்யவும் करून स्वतः प्रकाशित करा. अतिशय सोपे आहे.
