( राग-जयजयवंती; ताल-दादरा )
डोलत डोलत चाले । श्रवणी कुंडल हाले ।
भेदिक वचन बोले । चित्तचोरटा ॥१॥
सकळ कळांचा हरी । भेटवा हो झडकरी ।
तयाविण देहा उरी । नाही साजणी ॥२॥
चपळनयनबाणी । भेदीले वो साजणी ।
पाहतां न पुरे धणी । डोळियांची ॥३॥
ऐसा हरि लाघवी । मुनिजनां वेधु लावी ।
रामीरामदास कवी । साबडा म्हणे ॥४॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे பதிவு செய்யவும் करून स्वतः प्रकाशित करा. अतिशय सोपे आहे.
