बृंदाबन की सोभा देखे मेरे नैन सिरात ।
कुंज निकुंज पुंज सुख बरसत हरषत सबकौ गात ॥
राधा मोहनके निज मंदिर महाप्रलय नहिं जात ।
ब्रह्मातें उपज्यो न अखंडित कबहूँ नाहिं नसात ॥
फनिपर रवि तरि नहिं बिराट महँ नहिं संध्या नहिं प्रात ।
माया कालरहित नित नूतन सदा फूल फल पात ॥निरगुन सगुन ब्रह्मतें न्यारौ बिहरत सदा सुहात ।
ब्यास बिलास रास अदभुत गति, निगम अगोचर बात ॥
கருத்துக்கள்
இதுபோன்ற மேலும் கதைகள் மற்றும் புதுப்பிப்புகளுக்கு எங்கள் தந்தி குழுவில் சேரவும்.