माझ्या भोवती सारे
उजाडले पिवळे रान,
नभातून उतरेल कधी
इंद्रधनुची कमान...
पिवळ्या फुलांची सुंदर
उंच बाभूळ बांदावर,
जसा उभा जेजुरीचा
खंडेराय मल्हार...
सांजवेळी दाटले वर
नभावरी नभ,
कोसळुन भराभर सरी
मिटेल ही धग...
धगीमध्ये पोळून गेलं
आयुष्याचं सार,
मलाच मी शोधीत गेलो
जेव्हा दाटला अंधार...
संजय सावळे
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे பதிவு செய்யவும் करून स्वतः प्रकाशित करा. अतिशय सोपे आहे.
