**नेहपान गुरुत्वीय पटल चंद्र-३ **
काही क्षणातच ते निष्कासयान नेहपान ग्रहाच्या तिसऱ्या क्रमांकाच्या गुरुत्वीय पटलातील तिसऱ्या चंद्रावर उतरले. अजातरिपू आणि हंसरेखा त्या निष्कासयानातून बाहेर उतरले.
“हि आहे तुझी प्रयोगशाळा? या निर्जन बर्फाळ उपग्रहावर?”
“ होय मला शांत ठिकाणी माझं काम करणे पसंत आहे. माझ्या व्यतिरिक्त या प्रयोगशाळेत प्रवेश करणारी तू दुसरी व्यक्ती आहेस.” अजातरिपूने एका त्रिकोणी इमारतीकडे बोट दाखवले.
“ हे काय हि तर पूर्ण बर्फापासून बनवलेली आहे. हि प्रयोगशाळा तू स्वत: बनवली आहेस का?"
“ नाही नाही ह्या प्रयोगशाळेचा निर्माण तर माझ्या इगलूने केला आहे.”
“ इगलू?”
एक रोबोट प्रयोगशाळेच्या दारात स्वागतासाठी उभा होता. इग्लुने त्या दोघांसाठी गरम सूप आणलं होतं.
“ हा इगलू माझं सर्वात पहिलं यांत्रिक अपत्य. घे हे सूप प्यायल्यामुळे तुझ्या शरीराला या ग्रहावरील थंड हवामान सहन करण्याची उर्जा मिळेल.”
दोघांनी सूप प्यायले आणि ते प्रयोगशाळेत दाखल झाले.
क्रमश:
