हल्ली सुना खुशाल घेतात गळफास
संपवतात आयुष्य हलक्या वेदनेचं,
खरंच गुन्हेगार असतात का येथे
सासुसासरे आणि दीरनणंद ह्यांचे...
पाहिलं होतं घरदार त्यावेळी
चौकशीही केली होती संस्काराची,
अचानक असं घडतं काय आणि
क्षणात होती धुळवड आयुष्याची...
खरे चढतात फासावर माघे उरलेले,
जिवंत असूनही यातना भोगणारे.
सर्वच गुन्हेगार असायला पाहिजे
पाहुनकीला हे जेवणारे...
हुंड्यासाठी आरोप होतात खुप
किंवा छळलंही असेल अतोनात,
म्हणून काय घ्यावा गळफास अन
तोडावी दोरी आपल्याच अंगणात..
हे कुठं तरी थांबायला हवं
कोण कुठं चुकतो पाहायला हवं,
आणखी किती जाणार बळी
एकदा फासालाचं विचारायला हवं..
संजय सावळे
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे பதிவு செய்யவும் करून स्वतः प्रकाशित करा. अतिशय सोपे आहे.
