पंढरीसारिखें क्षेत्र नाहीं कोठें । जरी तें वैकुंठ दाखविलें ॥१॥
ऐसी चंद्रभागा ऐसें भीमातीर । ऐसा कटीं कर देव कोठें ॥२॥
उदंड पाहिलीं उदंड ऐकिलीं । उदंड वर्णिलीं क्षेत्रतीर्थें ॥३॥
ऐसे हरिदास ऐसा प्रेमरस । ऐसा नामघोष सांगा कोठें ॥४॥
ऐसें विष्णुपद ऐसा वेणुनाद । ऐसा ब्रम्हानंद सांगा कोठें ॥५॥
ऐसा पुंडलीक ऐसा भीमातट । ऐसें वाळुवंट सांगा कोठें ॥६॥
तुका म्हणे आम्हां अनाथां कारण । पंढरी निर्माण केली देवें ॥७॥
आपण साहित्यिक आहात ? कृपया आपले साहित्य authors@bookstruckapp ह्या पत्त्यावर पाठवा किंवा इथे பதிவு செய்யவும் करून स्वतः प्रकाशित करा. अतिशय सोपे आहे.
